ಮರೆಯಾಗುತ್ತಿರುವ ಮರ ಡೇಲಿಯಾ...!?
ಸಚಿತ್ರ ಬರಹ: ಕೂಡಂಡ ರವಿ, ಹೊದ್ದೂರು.
ಹೂವುಗಳ ಗೊಂಚಲಿನ ಶೋಭೆ
ನಮ್ಮೂರಿನಲ್ಲಿ ಸತತವಾಗಿ ಆರು ತಿಂಗಳು ಮಳೆ ಬರುತ್ತಿದ್ದ ದಿನಗಳಲ್ಲಿಯೂ ಮರ ಡೇಲಿಯಾವೆಂಬ ಸುಂದರ ಹೂ"ನ ಗಿಡ ಸಲೀಸಾಗಿ ಬೆಳೆಯುತ್ತಿತ್ತು. ಅದೂ ಕವಲು ರ"ತವಾಗಿ ಸರಿ ಸುಮಾರು 20 ರಿಂದ 30 ಅಡಿ ಎತ್ತರ ! ಅದರ ತುಟ್ಟ ತುದಿಯಲ್ಲಿ ಸುಮಾರು 30 ರಿಂದ 40 ಹೂ ಮೊಗ್ಗುಗಳ ಗೊಂಚಲು ! ಸರ್ವೆ ಸಾಮಾನ್ಯವಾಗಿ ಡೇಲಿಯಾ ಜಾತಿಯ ಗಿಡಗಳಲ್ಲಿ ಗೊಂಚಲಾಗಿ ಹೂವು ಅರಳುವುದು ತೀರಾ "ವಿರಳ. ಆದರೆ, ಮರ ಡೇಲಿಯಾವು ಅ"ಭಕ್ತ ಕುಟುಂಬದಂತೆ. ಹೂವುಗಳು ಅರಳಲು ಆರಂಭವಾದರೆ, ಗೊಂಚಲಿನಲ್ಲಿ ಸರಾಸರಿ ಪ್ರತಿದಿನವೂ ಐದಾರು ಹೂವುಗಳು ತಿಂಗಳಾನುಗಟ್ಟಲೆ ಅರಳುತ್ತಿರುತ್ತವೆ. ಇದು ನಿತ್ಯಪುಷ್ಪವೆಂದರೂ ತಪ್ಪಾಗಲಿಕ್ಕಿಲ್ಲ.
ಚಳಿಗಾಲದಲ್ಲಿ ಅರಳುವ ಹೂವು
ಮೆಜೆಂಟಾ ( ಹೊಸ 2000 ನೋಟಿನ ) ಬಣ್ಣದ ಹೂವು ಸವರ್ೇ ಸಾಮಾನ್ಯವಾಗಿ ಅಕ್ಟೋಬರ್ ದ್ವಿತೀಯ ವಾರದಿಂದ ಡಿಸೆಂಬರ್ ಮಧ್ಯಭಾಗದವರೆಗೆ ಅರಳುತ್ತವೆ. ಹೂ"ನಲ್ಲಿ ಐದು ಎಸಳುಗಳಿದ್ದು, ಹೂ"ನ ಮಧ್ಯಭಾಗವು ಅರಸಿನ ಬಣ್ಣದಿಂದ ಕೂಡಿರುತ್ತದೆ. ಇದರ ಕಾಂಡವು ಟೊಳ್ಳಾಗಿದ್ದರೂ ಮಳೆಯೊಡನೆ ಬರುವ ಬಿರುಗಾಳಿಗೂ ಮುರಿಯುವುದಿಲ್ಲ. ಗೆಡ್ಡೆಯ ರೂಪದಲ್ಲಿರುವ ಇದು ಮಳೆಗಾಲ ಆರಂಭವಾದಾಗ ಚಿಗುರುತ್ತದೆ. ಗೆಡ್ಡೆಗಳ ಮುಖಾಂತರ ಸಂತಾನಾಭಿವೃದ್ಧಿ ಮಾಡಬಹುದಾಗಿದೆ. ಬೇಲಿಯ ಅಂಚಿನಲ್ಲಿ ನೆಟ್ಟು ಸುರಕ್ಷಿತವಾಗಿ ಕಾಪಾಡಿದರೇ ಹತ್ತಾರು ವರ್ಷ ನಿಮ್ಮ ಮನವನ್ನು ಸೆಳೆಯಬಲ್ಲದು- ಮನಕ್ಕೆ ಮುದ ನೀಡಬಲ್ಲದು.
ನಾಪತ್ತೆಯಾಗುವ ಭಯ..!
ಕೊಡಗು ಜಿಲ್ಲೆಯ ಬಹುತೇಕ ಕಡೆಗಳಲ್ಲಿ ಈ ಅಪೂರ್ವ ಪುಷ್ಪ ನಳ ನಳಿಸಿ ನಗುವನ್ನು ಬೀರುತ್ತಿತ್ತು. ಆದರೆ, ಬದಲಾದ ಕಾಲಘಟ್ಟದಲ್ಲಿ ಪುಷ್ಪ ಪ್ರಿಯರ ಗಮನವೂ ಬದಲಾಗುತ್ತಾ ಸಾಗಿತು. ಆಧುನಿಕತೆಗೆ ತಕ್ಕಂತೆ ಮನೆಯಂಗಳಲ್ಲಿ ಅರಳಿ ನಗುವ ಹೂ ಬದಲಾಗುತ್ತಾ ಸಾಗಿತು. ಡೇಲಿಯಾ ಹೂವು ಕೆಲವರ ಮನೆಯಂಗಳಕ್ಕೆ ಮೀಸಲಾಯಿತು. ನಮ್ಮ ಊರಿನ, ರಾಜ್ಯದ ದೇಶದ ಹೂವುಗಳನ್ನು ಸಹಸ್ರಾರು ರೂಪಾಯಿ ನೀಡಿ, ಖರೀದಿಸಿ ತಂದು ಬೆಳೆಸಲು ಆರಂಭಿಸಿದರು. ಅವುಗಳಲ್ಲಿ ಬಹುತೇಕವು ಇಲ್ಲಿನ ಹವಾಮಾನಕ್ಕೆ ಹೊಂದಿಕೊಳ್ಳಲಾರದೇ ಗಿಡ ತಂದು ಒಂದೆರಡು ವಾರದಲ್ಲಿ ಒಣಗಿ ಹೋಗುತ್ತಿತ್ತು. ಆದರೂ, ಛಲ ಬಿಡದ ತ್ರಿ"ಕ್ರಮರಂತೆ ಹೂವು ಪ್ರಿಯರು ಅಲ್ಲಿ- ಇಲ್ಲಿ ಅರಳಿ ನಗುತ್ತಿದ್ದ ಹೂವನ್ನು ನೆಡಲಾರಂಭಿಸಿದರು. ಇದರ ಪರಿಣಾಮ ನಮ್ಮ ಸಾಂಪ್ರಾದಾುಕ ಹೂ"ವಿನ ತಳಿಗಳು ತಮ್ಮ ಇರುವನ್ನು ಸಾಬೀತು ಪಡಿಸಲು ಹರ ಸಾಹಸ ಪಡಬೇಕಾಗಿ ಬಂತು. ಅದೇ ರೀತಿಯ ದುರ್ದೆಶೆ ಮರ ಡೇಲಿಯಾಕ್ಕೂ ಬಂದಿದೆ ಎಂದು ಖೇದದಿಂದ ಬರೆಯಬೇಕಾಗಿ ಬಂದಿರುವುದು ವಿಪರ್ಯಾಸವೇ ಸರಿ.
