ಗುರುವಾರ, ಸೆಪ್ಟೆಂಬರ್ 7, 2023
ಶುಕ್ರವಾರ, ಮಾರ್ಚ್ 17, 2023
ಶುಕ್ರವಾರ, ಜನವರಿ 20, 2023
KSRTC Bus pass problms ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯು ವಿದ್ಯಾರ್ಥಿಗಳಿಗೆ ಬಸ್ ಪಾಸ್
ಬಸ್ ಪಾಸ್ ನೀಡುವ ನಿಯಮಗಳನ್ನು ಸುಲಭೀಕರಿಸಿ.
ನೀಡುತ್ತಿದೆ. ಕಾಲಘಟ್ಟಕ್ಕೆ ಅನುಗುಣವಾಗಿ, ಇದರಲ್ಲಿ ಹಲವಾರು ಬದಲಾವಣೆಗಳನ್ನು ಮಾಡುತ್ತಾ ಬಂದಿದೆ. ಆದರೆ, ಕಾರಣಾಂತರಗಳಿಂದ ಕೆಲವು ವಿದ್ಯಾರ್ಥಿಗಳು ಪಾಸ್ ಅನ್ನು ಕಳೆದುಕೊಳ್ಳುವರು. ಅಂತಹ ಸಂದರ್ಭಗಳಲ್ಲಿ ಉಳಿದ ಶೈಕ್ಷಣಿಕ ಅವಧಿಗೆ ಹೊಸ ಪಾಸ್ ನೀಡಲು ಹಲವಾರು ಕಠಿಣ ನಿಯಮ–ಷರತ್ತುಗಳಿವೆ. ಅವುಗಳನ್ನು ಚಾಚೂ ತಪ್ಪದೆ, ಪಾಲಿಸುವರು. ಆದರೂ, ವಿದ್ಯಾರ್ಥಿಗಳಿಗೆ ಸಕಾಲಿಕವಾಗಿ ಎರಡನೆ ಬಾರಿ ಪಾಸ್ ದೊರೆಯುತ್ತಿಲ್ಲ. ಹೊಸ ಪಾಸ್ ಪಡೆಯಲು ಸುಮಾರು ಒಂದು ತಿಂಗಳಿಗೂ ಅಧಿಕ ಸಮಯ ಬೇಕಾಗುತ್ತದೆ. ಈ ವಿನಾ ಕಾರಣ ಸಂಸ್ಥೆಯ ಹಿರಿಯಾಧಿಕಾರಿಗಳು ಮನಸ್ಸು ಮಾಡಿದ್ದಲ್ಲಿ ವೃಥಾ ವಿಳಂಬವನ್ನು ತಪ್ಪಿಸಲು ಸಾಧ್ಯ. ನಿಯಮವಾಳಿಗಳನ್ನು ಈ ರೀತಿ ಸುಲಭೀಕರಿಸಬಹುದು.
ಬಸ್ ಪಾಸ್ ಕಳೆದುಕೊಂಡ ವಿದ್ಯಾರ್ಥಿ ಈ ಬಗ್ಗೆ ಪೊಲೀಸ್ ದೂರಿನ ವಿವರ, ಸವಿವರವಾದ ಮಾಹಿತಿ, ಸೂಕ್ತ ದಾಖಲಾತಿಗಳನ್ನು ಸಂಚಾರಿ ನಿಯಂತ್ರಕರಿಗೆ ನೀಡಬೇಕು. ಅವರು, ಅದನ್ನು ಸಮಗ್ರವಾಗಿ ಪರಿಶೀಲಿಸಿ, ಏಳು ದಿನಗಳಲ್ಲಿ ಹೊಸ ಪಾಸ್ ನೀಡಬಹುದು. ಸಂಚಾರಿ ನಿಯಂತ್ರಕರ ಬಳಿ ವಿದ್ಯಾರ್ಥಿ ಈ ಹಿಂದೆ ನೀಡಿದ ಎಲ್ಲಾ ಮಾಹಿತಿಯು ಇರುತ್ತದೆ. ಇದರಿಂದಾಗಿ ವಿದ್ಯಾರ್ಥಿಯ ವ್ಯರ್ಥ ಅಲೆದಾಟ, ಸಂಚಾರಿ ನಿಯಂತ್ರಕರಿಂದ ಜಿಲ್ಲಾ ಸಾರಿಗೆ ಕಛೇರಿ ನಂತರ ವಿಭಾಗೀಯ ಕಛೇರಿಗಳಿಗೆ ಆಫ್‌ಲೈನ್ ಪತ್ರ ವ್ಯವಹಾರ ನಡೆಸುವುದು ತಪ್ಪಲಿದೆ. ಈ ಪ್ರಕ್ರಿಯೆಯನ್ನು ಆನ್‌ಲೈನ್‌ನಲ್ಲಿ ನಡೆಸುವುದರಿಂದ ವಿನಾ ಕಾರಣ ವಿಳಂಬವನ್ನು ಕೊಂಚ ತಪ್ಪಿಸಬಹುದಾಗಿದೆ. ಈ ಹಿನ್ನೆಲೆಯಲ್ಲಿ ಆಯಾ ಸಂಚಾರಿ ನಿಯಂತ್ರಕರು ಕೇವಲ ೭ ದಿನಗಳಿಗೂ ಮುನ್ನಾ ಹೊಸ ಪಾಸ್ ಅನ್ನು ವಿದ್ಯಾರ್ಥಿಗೆ ನೀಡಲು ಪ್ರಯತ್ನಿಸಿ.
ಈ ಪ್ರಕ್ರಿಯೆಯನ್ನು ವಿದ್ಯಾರ್ಥಿಗಳಿಗೆ ಹೊಸ ಪಾಸ್ ನೀಡುವಂತೆ ದ್ವಿತೀಯ ಬಾರಿ ಪಾಸ್ ನೀಡುವದನ್ನು ಆನ್‌ಲೈನ್ ಮೂಲಕ ಮಾಡಿದ್ದಲ್ಲಿ, ವಿದ್ಯಾರ್ಥಿಗಳಿಗೆ ಅನುಕೂಲವಾಗಲಿದೆ. ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಬಹುತೇಕ ಕೆಲಸ ಕಾರ್ಯಗಳು ಆನ್‌ಲೈನ್‌ನಲ್ಲಿ ಅತ್ಯಧಿಕ ವೇಗದಲ್ಲಿ ನಡೆಯುತ್ತಿವೆ. ಆದರಂತೆ, ಈ ಕಾರ್ಯವನ್ನು ಆನ್‌ಲೈನ್ ಮೂಲಕ ತ್ವರಿತಗತಿಯಲ್ಲಿ ನಡೆಸಬಹುದು.
ಸೇವಾ ಸಿಂಧು ಪೋರ್ಟಲ್‌ನಲ್ಲಿ ವಿದ್ಯಾರ್ಥಿಯು ನೇರವಾಗಿ ದ್ವಿತೀಯ ಬಾರಿಯೂ ಹೊಸ ಪಾಸ್‌ಗೆ ಅರ್ಜಿ ಸಲ್ಲಿಸಲು ಅವಕಾಶ ನೀಡಬೇಕು. ಪಾಸ್ ಕಳೆದುಕೊಂಡವರಿಗೆ ದಂಡ ಪಾವತಿಯ ಬಳಿಕ ಜರೂರಾಗಿ, ಪಾಸ್ ನವೀಕರಣಕ್ಕೆ ಮುಕ್ತ ಅವಕಾಶಗಳು ದೊರೆಯಬೇಕು.
ಹೊಸ ಪಾಸ್ ದೊರೆಯುವವರೆಗೆ ಸಂಬಂಧಿತ ಸಂಚಾರಿ ನಿಯಂತ್ರಕರ ಪತ್ರ ಅಥವಾ ಪಾಸ್‌ನ ಛಾಯಾಪ್ರತಿ(ಜೆರಾಕ್ಸ್) ಪ್ರತಿಯ ದೃಡೀಕರಣದೊಂದಿಗೆ ವಿದ್ಯಾರ್ಥಿಗಳು ಬಸ್‌ನಲ್ಲಿ ಪಯಣಿಸುವ ಅವಕಾಶ ಕಲ್ಪಿಸಬೇಕಿದೆ.
ಈ ಬಗ್ಗೆ ಕರ್ನಾಟಕ ಸರಕಾರದ ಸಾರಿಗೆ ಸಚಿವರು, ಸಂಸ್ಥೆಯ ಹಿರಿಯಾಧಿಕಾರಿ ವರ್ಗ ಚಿಂತನ – ಮಂಥನ ನಡೆಸಿ. ವಿದ್ಯಾರ್ಥಿಗಳಿಗೆ ಒಳಿತಾಗುವ ಕ್ರಮಗಳನ್ನು ಕ್ಷಿಪ್ರ ಜಾರಿಗಾಗಿ, ರಾಜ್ಯದ ಎಲ್ಲಾ ವಿದ್ಯಾರ್ಥಿಗಳ ಪರವಾಗಿ ಕೋರುತ್ತೇನೆ.
-ಕೂಡಂಡ ಪ್ರಣವ್ ರವಿ, ಹೊದ್ದೂರು-ಮೂರ್ನಾಡು.
.png)